Солени колачи посни

 250 гр маргарин,

200 мл зејтин, 

200 мл вода, 

2 пакетчиња прашок за пециво, 

1-2 лажичиња сол,

100 гр сусам, 

100 гр брашно. 

Се замесува со 1 кг брашно

Се сучи кора и се вадат колачи со модла.

Се печат во тепсија обложена со хартија за печење на 160 степени 15-20 мин.

Кифлици

 1 кг брашно,

1/2 мл млако млеко (од него малку се става со квасец за да стаса квасецот со 1 лажица шекер и 1 лажица брашно),

15 лажици зејтин, 

2 лажици шекер, 

1 лажица сол и 

едно јајце. 

Се замесува тесто кое се удара ( крени спушти 50 пати). 

Се покрива со чаршав и се остава да надојде додека се удвостручи. 

Се премесува и се вадат парчиња од кои се прават топчиња (околу 50 ќе има) 

Од секое се расукува коричка колку тацна, се става фил (обично сирење помешано со јајца или се премачкуваат со путер) и се завиткуваат кифлици кои се ставаат во

плех обложен со хартија или премачкан со зејтин. 

Се печат околу 23 минути на 200 степени.

 

Солен колач во мал калап

Потребно е:

1 јајце ,

50 мл зејтин,

240 мл кисело млеко,

180 гр бело брашно,

120 гр гриз,

1 пециво,

50 гр шункова салама,

50 гр сирење,

2 кисели краставички и

1 кисела црвена пиперка.

Се мати јајцето со миксер.

Се намалува брзината , се додаваат зејтинот и киселото млеко и малку се мати.

Се додаваат последователно останатите состојки матејќи со маталка.

(може само малку на крај да се мати со миксер)

Од горе по желба може сусам.

Се пече 35-40 мин на 180 степени.

Солени топчиња

 1 чаша кисело млеко,

1/2 чаша зејтин,

1 или 2 јајца, 

1 пециво, 

1/2 лажичка сода бикарбона, 

1 лажичка сол,

3 шољи брашно, 

Се прават топчиња. 

Со еден прст стискаш со друг ставаш јајце со сирење. 

Од горе жолчка. 

Солена торта (бела)

 3 јајца се матат и се додава 1 лажица зејтин, 1 лажица млеко, 3 лажици брашно мешано со 1/3 пециво.

Се прават три кори во округла тепсија бр 28.

Фил:

Се сецка шунка, кашкавал, сирење, кисели краставички и се меша со кисела павлака.

Се мачкаат корите со мајонез и се филуваат прва и втора и од горе со две павлаки, а може и да се украси со рендан кашкавал или друго. 

Посни кифли-варени

1,5 кг брашно

2 стасани квасци

(стојат малку во чаша со топла вода со 1 лажица шекер и 1 лажица брашно)

200 гр зејтин ,

7 лажици шекер

2 лажици сол

700 мл вода

Се покрива со најлон да стаса убаво.

Се дели на 10 дела

Се сучи кора и се дели на 8 дела

Се витка кифла и се става во вода па во сусам.

Се редат во подмачкана тепсија

Меѓу нив се става маргарин .Стасуваат и се печат убаво(да зацрвенат малку)

Кроасани

800 гр брашно,
200 гр јогурт,
200 гр слатко млеко,
2 јајца,
1 шоља (од кафе) зејтин,
1 квасец,
1 лажица сол,
1 маргарин.
Се замесува тесто кое се дели на два дела.Се прават два пати по 8 топчиња.
Се расукуваат корички и се мачкаат со маргарин.
Се редат едно врз друго и се расукува голема кора.
Се сече и се прават кроасани (кифли).
Во нив се става мармелад или еурокрем или сирење.
Се оставаат 2 часа да стасаат.
Се мачкаат со јајце од горе и се печат 20 мин на 180 степени.